قومی اسمبلی میں اپوزیشن لیڈر خورشیدشاہ نے کہا ہے کہ نگراں وزیراعظم کے تقرر کے معاملے پر اب وزیراعظم شاہد خاقان عباسی یا حکومت سے کوئی بات نہیں ہوگی، جلد اسپیکر کو خط لکھ کر انہیں پارلیمانی کمیٹی کے قیام کے لیے اپوزیشن کے نام دے دیے جائیں گے ۔
جمعہ کو پارلیمنٹ ہاؤس میں میڈیا سے گفتگو میں خورشید شاہ نے کہا کہ وہ وزیر اعظم شاہد عباسی کوخط لکھیں گے کہ انہوں نے ہمارے ساتھ دھوکہ کیا ہے اور نگراں وزیر اعظم کے معاملے پر اپنے وعدے سے مکر گئے ہیں ۔
خورشید شاہ کا یہ بھی کہنا تھا کہ اسپیکر کو بھی خط لکھوں گا جس میں انہیں پارلیمانی کمیٹی کے قیام کے لیے اپوزیشن کے چار نام بھیجوں گا۔