ترکی کے شمال مغربی علاقے میں مسافر ٹرین کی 6 بوگیاں پٹری سے اتر گئیں، حادثے میں 24 افراد ہلاک اور متعدد زخمی ہوگئے۔
ترک حکام کے مطابق مسافروں سے بھری ٹرین بارشوں کے بعد زمینی کٹاؤ کے باعث حادثے کا شکار ہوئی جس کے نتیجے میں 360 مسافروں سے بھری ٹرین کی 6 بوگیاں پٹری سے اتر گئیں۔
ترک میڈیا کے مطابق سرچ آپریشن کا کام مکمل ہوگیا ہے اور حادثے میں زخمی ہونے والے 300سے زائد افراد کو طبی امداد فراہم کردی گئی ہے۔