قائد اعظم ایک عہد آفرین شخصیت اور بلند پایہ مدبر تھے، مختار احمد

September 12, 2018
 

حیدرآباد ( بیورو رپورٹ) بانی پاکستان قائد اعظم محمد علی جناح ایک عہد آفرین شخصیت، عظیم قانون داں، بااصول سیاستداں اور بلند پایہ مدبر تھے۔ یہ بات سوہنی دھرتی یوتھ کونسل کے چیئرمین مختار احمد خان نے قائد اعظم کے یوم وفات کے موقع پر کونسل کے زیر اہتمام ایک نشست سے خطاب کرتے ہوئے کہی۔ انہوں نے کہا کہ قائد اعظم زندگی بھر قوم کو بیدار اور منظم کرنے اور حصول منزل کے لئے اس قدر مصروف رہے کہ انہیں کبھی اپنے باطن اور اندرونی احساسات کو بے نقاب کرنے کا موقع ہی نہیں ملا۔ انہوں نے کہا کہ ان کی ساری تقاریر اپنی نوعیت کے اعتبار سے سیاسی، تاریخی اورر قومی مسائل کے رنگ میں ڈوبی ہوئی ہیں۔ انہوں نے کہا کہ قائد اعظم نے اپنی قوت ارادی اور مسلسل انتھک محنت سے مسلمانان پاک و ہند کے گلے سے صدیوں کی غلامی کا طوق اتارا اور پاکستان جیسی اسلامی مملکت کی بنیاد رکھی۔


مکمل خبر پڑھیں