محکمہ صحت پنجاب نے رحیم یار خان میں لیڈی ڈاکٹر کو ہراساں کرنے کے واقعے کی انکوائری مکمل کر لی، سیکریٹری صحت نے شیخ زید میڈیکل کالج رحیم یار خان کے پرنسپل اور ایم ایس کو معطل کر دیا۔
ترجمان محکمہ صحت کے مطابق تین رکنی کمیٹی نے رحیم یار خان میں لیڈی ڈاکٹرکو ہراساں کرنے کی انکوائری 24 گھنٹے میں مکمل کرکے رپورٹ پیش کردی۔
رپورٹ کی روشنی میں وزیرصحت ڈاکٹر یاسمین راشد کے حکم پر سیکریٹری ہیلتھ نے پرنسپل ڈاکٹرمبارک علی اور ایم ایس ڈاکٹر غلام ربانی کی معطلی کے نوٹیفکیشن جاری کر دیئے۔
ترجمان کے مطابق معطل افسروں کے خلاف محکمانہ انکوائری اور کارروائی بھی ہوگی۔