مصر میں سیکیورٹی فورسز کی شدت پسندوں کے خلاف کارروائی میں 19 شدت پسند مارے گئے۔
مصری وزارت داخلہ کی طرف سے جاری شدہ بیان کے مطابق صوبے المنیا کے مغربی علاقے میں سیکیورٹی فورسز کا شدت پسندوں سے مقابلہ ہوا، مارے جانے والے شدت پسندوں کا تعلق جمعہ کو بس حملے میں ملوث دہشت گرد سیل سے بتایا جارہا ہے۔
اس سے قبل گزشتہ جمعہ کو صوبے منیا میں دہشتگردوں نے عیسائی شہریوں کو لے جانے والی بس پر حملہ کیا تھا جس میں سات افراد ہلاک ہوئے تھے، داعش نے حملے کی ذمہ داری قبول کی تھی۔