سپریم کورٹ آف پاکستان نے اسلام آباد میں فیض آباد چوک پر ہونے والے تحریک لبیک پاکستان کے دھرنے پر سپریم کورٹ کے ازخود نوٹس کی سماعت مقررکر دی۔
جسٹس مشیر عالم کی سربراہی میں عدالت عظمیٰ کا دو رکنی بنچ 16 نومبر کو کیس کی سماعت کرے گا، جسٹس قاضی فائز عیسیٰ بھی دو رکنی بنچ کا حصہ ہیں۔
عدالت نے اس ضمن میں اٹارنی جنرل، سیکریٹری داخلہ، سیکریٹری دفاع، آئی جی اسلام آباد اور پیمرا کونوٹس جاری کر دیئے۔
سپریم کورٹ نےالیکشن کمیشن سے تحریک لبیک پاکستان کی بطور سیاسی جماعت رجسٹریشن کا ریکارڈ طلب کر لیا ہے۔