بولی وڈ اداکار رنویر سنگھ اور دپیکا پڈوکون اپنی شادی کے دوسرے استقبالیہ تقریب کے لیے بنگلورسے ممبئی روانہ ہوگئے جبکہ اس دوران ایک جیسے رنگ کے ملبوسات میں نیا شادی شدہ جوڑا توجہ کا مرکز بنا رہا۔
واضح رہےکہ رنویر سنگھ اور دپیکا پڈوکون کی شادی رواں ماہ 14 اور 15 نومبر کو اٹلی میں دو روایات کے تحت ہوئی اوراب شادی کے دیگر استقبالیہ کی تقاریب 24نومبر، 28نومبر اوریکم دسمبرکو ممبئی میں منعقد ہوں گی۔
ان تقریبات میں رنویر سنگھ اور دپیکا پڈوکون کے قریبی دوست اور بالی ووڈ اسٹارز سمیت مشہور شخصیات شرکت کریں گی جبکہ یکم دسمبر کو ہونے والے استقبالیہ میں منیشا کورالا کو دعوت نامہ بھی موصول ہوگیا ہے۔