یوں تو آواز کی نقالی اور انسانوں سے باتیں کرنے میں طوطوں کا کوئی ثانی نہیں لیکن جناب یہی طوطے آن لائن شاپنگ کرنے کے بھی شوقین ہوگئے ہیں۔
جی ہاں، برطانیہ سے تعلق رکھنے والے Roccoنامی میاں مٹھو طوطے نے مالک کی عدم موجودگی میں آواز کی ہدایت پر کام کرنے والے ایمیزون اسسٹنٹ ’ایلیکسا‘ پر بول کر کئی چیزیں گھر پر منگوالی۔
رپورٹ کے مطابق طوطے نے اپنے مالک کو ایسا کرتے دیکھا تو خود بھی اپنی آواز کی نقاللی کی صلاحیت سے ایمازون سے تربوز، گوبھی اور آئسکریم زیادہ خریدتا ہے اس کے علاوہ وہ پتنگ، بلب اور ایک کیتلی بھی خرید چکا ہے۔
طوطے کے مالک میریون کا کہنا ہے کہ مجھے راکو کی اس عادت کا علم نہیں تھا لیکن جب میرے اکاؤنٹ سے پیسے کٹنے شروع ہوئے تو مجھے شک ہوا اور یوں میں نے نگرانی کی تو یہ دیکھ کر حیران رہ گیا کہ وہ ایمازون سے مختلف اشیا آرڈر کر رہا تھا اور ان اشیاکی فہرست کافی طویل تھی۔