پیپلز پارٹی جاپان کے سابق صدر نعیم الغنی آرائیں کے والد عبد الغنی کی وفات پر پیپلز پارٹی کے چیئرمین بلاول بھٹو نے اظہار تعزیت کرتے ہوئے اپنے پیغام میں کہا ہے کہ وہ اس دکھ کی گھڑی میں نعیم آرائیں کے ساتھ ہیں اور دعا گو ہیں کہ اللہ تعالی ان کے والد کی مغفرت اور درجات بلند فرمائے اور تمام لواحقین کو صبر جمیل عطا فرمائے۔
اس موقع پر نعیم آرائیں سے جاپان بھر کی سیاسی سماجی اور مذہبی تنظیموں نے بھی اظہار تعزیت کیا ہے۔
اس حوالے سے ن لیگ جاپان کے صدر ملک نور اعوان ، سینئر نائب صدر ملک یونس ، پیپلز پارٹی کے سینئر رہنما شاہد مجید ،کشمیر کونلس کے مرزا خلیل ، مذہبی اسکالر انعام الحق ،قاری علی حسن ،عبدالرحمن صدیقی ،معروف شاعر مشتاق قریشی ،پاک جاپان بزنس کونسل کے صدر رانا عابد حسین نے نعیم آرائیں سے اظہار تعزیت کیا ہے۔
جاپان میںپاکستان کے سفیر ڈاکٹر اسد مجید خان نے بھی تعزیت کا پیغام بھیجا ہے جبکہ پاکستان ایسوسی ایشن جاپان کے سینئر حکام اور جاپان انٹرنیشنل پریس کلب کی جانب سے بھی نعیم آرائیں سے ان کے والد کی وفات پر تعزیت کی گئی ہے۔