وزیر اعلیٰ سندھ سید مراد علی شاہ سے عوامی نیشنل پارٹی سندھ کے صدر شاہی سید نے ملاقات کی ہے، ملاقات میں وزیر بلدیات سندھ سعید غنی بھی شریک موجود تھے۔
ملاقات میں لاڑکانہ میں تین افراد کے قتل کے واقعے پر افسوس کا اظہار کیا گیا۔
وزیر اعلیٰ سندھ نے شاہی سید کو لاڑکانہ واقعے کے بعد کی صورتحال اور پولیس سے حاصل معلومات سے آگاہ کیا۔
وزیر اعلیٰ سندھ نے شاہی سید سے گفتگو کرتے ہوئے کہا کہ سندھ امن کی دھرتی ہے، بھائی چارے کو فروغ دینے کی ضرورت ہے۔