علامہ اقبال میڈیکل کالج کے پرنسپل عارف تجمل کا کہنا ہے کہ سابق وزیر اعظم میاں نواز شریف کے جناح اسپتال آنے کے بعد بتایا جاسکتا ہے کہ انہیں کس علاج کی ضرورت ہے۔
انہوں نے میڈیا سے گفتگو کرتے ہوئے کہا کہ سابق وزیر اعظم نواز شریف کو جناح اسپتال منتقل کرنے کی اطلاع مل گئی ہے۔
عارف تجمل کا مزید کہنا ہے کہ جناح اسپتال میں بہترین معالج اور تمام سہولتیں میسر ہیں، ابھی تک نواز شریف کی رپورٹس یا حالت کے بارے میں کچھ علم نہیں ہے۔
انہوں نے یہ بھی کہا کہ اسپتال میں نوازشریف کے لیے تمام انتظامات مکمل کر لیے گئے ہیں،ان کے آنے کے بعد ان کے تمام ٹیسٹ کیے جائیں گے اور فیصلہ ہو گا کہ کیا علاج کرنا ہے۔