پیپلزپارٹی رہنماؤں کے خلاف اقامہ رکھنے سے متعلق کیس میں فریال تالپور کے وکیل فاروق ایچ نائیک نے کہا ہے کہ درخواست گزار کے وکیل کو ذاتی حملے کرنے سے روکا جائے۔
سندھ ہائی کورٹ نے دیگر وکلا کے دلائل کے لیے سماعت22 فروری تک ملتوی کر دی۔
فریال تالپور کے وکیل فاروق ایچ نائیک کا کہنا تھا کہا کہ کیس میں جے آئی ٹی کا حوالہ غیر متعلقہ ہے، سپریم کورٹ نے جے آئی ٹی پر ٹاک شوز میں بات کرنے سے بھی روکا تھا۔
درخواست گزار کے وکیل نے کہا کہ جے آئی ٹی نے مکمل تحقیقات کے بعد سچ کو سامنے رکھ دیا ہے۔
دوران سماعت فاروق نائیک اور درخواست گزار کے وکیل کے درمیان تلخ کلامی بھی ہوئی، تاہم عدالت نے مداخلت کر کے دونوں وکلاء کو خاموش کرا دیا۔
سندھ ہائی کورٹ نے دیگر وکلاء کے دلائل کے لیے سماعت22 فروری تک ملتوی کر دی۔