ایتھوپیا کی وزیرِ ٹرانسپورٹ نے کہا ہے کہ ایتھوپیا اور انڈونیشیا کے طیارہ حادثے کے درمیان واضح مماثلت دیکھی گئی ہے۔
انہوں نے کہا کہ بلیک باکس کے ڈیٹا سے حاصل ہونے والی ابتدائی معلومات کے مطابق ایتھیوپین اور انڈونیشین طیارہ حادثے میں واضح مماثلت ہے۔
وزیر ٹرانسپورٹ ایتھوپیا نے مزید بتایا کہ تفتیش کاروں نے حادثے کے شکار طیارے کے بلیک باکس سے تمام ڈیٹا حاصل کر لیا ہے۔
امریکی میڈیا کے مطابق ایتھوپین وزیر نے دونوں حادثوں میں مماثلت سے متعلق تفصیلات بیان نہیں کیں، تاہم ان کا کہنا تھا کہ حادثات میں مماثلت سے متعلق مزید تحقیقات کی جائیں گی۔
ایتھوپیا میں 10 مارچ کو طیارہ حادثے میں تمام 157 سوار افراد ہلاک ہو گئے تھے جب کہ گزشتہ سال اکتوبر میں انڈونیشیا میں طیارہ حادثے میں تمام 610سوار افراد ہلاک ہو گئے تھے۔