یوں توچوری ڈکیتی جیسی مشکل صورتحال میں اچھے اچھوں کے اوسان خطا ہوجاتے ہیں لیکن جناب ویڈیو میں نظر آنے والا یہ شخص تو بہت بہادراور سمجھدار نکلا جس نے جیولری اسٹور میں چوری کی غرض سے آنے والےڈاکوئوں کو اُلٹے قدموں بھاگنے پر مجبور کردیا ۔
یہ واقعہ امریکی ریاست شمالی کیرولینا کے شہر شارلٹ کے جیولری اسٹور میں رونما ہوا جب دو ڈاکو شاپ میں داخل ہوئے اور اسٹور مالک پر پستول تان کر نہ صرف اسے ڈرایا بلکہ کاؤنٹر پر سجے زیورات اپنے قبضے میں لینے لگے۔
مشکل صورتحال پر بہادر شخص ذرا نہ گھبرایا بلکہ قریب رکھی ہتھوڑی سے کاؤنٹر سے زیورات لیتے ڈاکو پر ایسے وار کئے کہ وہ اُلٹے قدموں بھاگ نکلا۔
تاہم کچھ ہی دور گیا تھا کہ پولیس کے ہتھے چڑھ گیا۔رپورٹ کے مطابق پولیس کی جانب سے دوسرے ڈاکو کی تلاش جاری ہے۔