کراچی کے علاقے اورنگی ٹاون میں نامعلوم شخص نے گھر میں گھس کر خاتون اور دو بچوں کو نوک دھار آلے سے قتل کردیا۔
ریسکیو ذرائع کے مطابق اورنگی ٹاؤن کے علاقے گلشن بہار غوثیہ چوک کے قریب گھر سے 32 سالہ انیلہ، 3 سالہ فاطمہ اور 3 سالہ عبدالہادی کی لاشیں ملی ہیں، واقعے کی خبر ملتے ہی پولیس اور رینجرز کی نفری موقع پر پہنچ گئی۔
پولیس کے مطابق مقتولہ کا شوہر رات 8 بجے برگر لینے گھر سے گیا تھا اور رات 10 بجے واپس آیا تو لاشیں دیکھیں۔
پولیس نے مقتولہ کے شوہر کو حراست میں لے کر موقع سے شواہد جمع کرلیے ہیں، مقتولہ کا شوہر درزی کا کام کرتا ہے۔