وفاقی وزیر ریلوے شیخ رشید نے کہا ہے کہ میری اور شہباز شریف کی ایک ہی پارٹی ہے وہ عوامی مسلم لیگ ہے،ہم دونوں نے کبھی پارٹی نہیں بدلی۔
میڈیا سے گفتگو میں شیخ رشید نے کہا کہ کچھ لوگ چاہتے ہیں کہ سابق وزیراعظم نواز شریف اندر ہی رہیں۔
ان کا کہنا تھا کہ جن لوگوں نے نواز شریف کو مروایا ہے وہ چاہتے ہیں کہ نواز شریف اندر ہی رہیں اور شہباز اور حمزہ بھی اندر ہوں۔
وفاقی وزیر نے کہا کہ یہ چاہتے ہیں کہ لندن جانے دو،میں نے عمران سے کہا ہے کہ دفع کریں،ان کو جانے دیں۔
انہوں نے مزید کہا کہ منتخب آدمی کو سلیکٹڈ کہنا نامناسب بات ہے۔
شیخ رشید نے یہ بھی کہا کہ ایم ایل ون کا جو ٹھیکہ لے گا اس کے ساتھ مزدوروں کیلئے اپارٹمنٹس بنا کر دینے کی شرط رکھیں گے۔