پاکستان پیپلز پارٹی کی رہنما اور سینیٹر شیری رحمان نے کہا ہے کہ چیئرمین سینیٹ کےخلاف تحریک عدم اعتماد کو کامیاب بنائیں گے، پیپلز پارٹی نے حکمت عملی تیار کرلی ہے، اپوزیشن حکومت کو شکست دے گی۔
پیپلز پارٹی پارلیمانی پارٹی اجلاس کےبعد میڈیا سےگفتگو میں شیری رحمان نے کہا کہ اپوزیشن کا نمبر گیم مکمل ہے، بیرون ملک موجود ارکان واپس بلا لیے ہیں، بیرون ملک موجود تمام ارکان آج رات واپس پہنچ جائیں گے۔
ایک سوال کے جواب میں رہنما پی پی نے کہا کہ ہارس ٹریڈنگ کی باتیں سب نےسنی ہیں، وزیراعظم نے بھی کہا کہ اپوزیشن کو شکست دیں گے، اپوزیشن کی اکثریت ہے، ہارس ٹریڈنگ کےسوا کیسے شکست دی جاسکتی ہے؟