کراچی میں جوڈیشل مجسٹریٹ جنوبی کی عدالت نے مرید عباس قتل کیس کی سماعت کے دوران ملزم کے وکیل کو کل عدالت میں پیش ہونے کا حکم دے دیا۔
جوڈیشل مجسٹریٹ جنوبی کی عدالت میں کیس کے تفتیشی افسر اور وکیل پیش ہوئے، عدالت نے پراسیکیوٹر سے استفسار کیا کہ کیس میں انسدادِ دہشت گردی کی دفعات کیسے شامل ہو سکتی ہیں؟
پراسیکیوٹر نے عدالت کو بتایا کہ ملزم نے پہلا قتل خضر حیات کا کیا وہ عوامی مقام تھا، جبکہ دوسرا قتل مرید عباس کا کیا گیا، کراچی میں شاہ رخ جتوئی اور ارشاد رانجھانی کا بھی قتل اسی نوعیت کا تھا، اس میں بھی دہشت گردی کی دفعات شامل کی گئی تھیں۔
تفتیشی افسر کا کہنا تھا کہ ملزم عاطف زمان نے مقتول خضر حیات کو کاروباری مرکز پر مارا، چند ہی منٹ میں 2 قتل کیے جس سے شہر میں خوف و ہراس پھیل گیا تھا، افسر کا مزید کہنا تھا کہ اس واردات سے عوام خوفزدہ ہو گئے تھے۔