افغانستان کے صوبے ننگر ہار کے شہر جلال آباد میں پاکستانی قونصل خانے کے سامنے دھماکا ہوا ہے جس کے نتیجے میں 4 افراد زخمی ہو گئے۔
غیر ملکی خبر ایجنسی کے مطابق جلال آباد میں پاکستانی قونصل خانے کے قریب واقع چیک پوسٹ میں بم دھماکا ہوا جس میں 4 افراد زخمی ہوگئے، زخمیوں کو طبی امداد کے لیے اسپتال منتقل کیا گیا ہے۔
افغان پولیس چیف کے مطابق دھماکا خیز مواد ایک برتن میں چھپایا گیا تھا جو دھماکے سے پھٹ گیا جس کی آواز دور دور تک سنائی دی۔