کراچی کے مختلف علاقوں میں بارش کے بعد گرمی کا زور ٹوٹ گیا اور شہریوں نے سکھ کا سانس لیا۔
ذرائع کے مطابق یونیورسٹی روڈ، اسکیم 33، ملیر نارتھ کراچی، سرجانی ٹاؤن اور نیوکراچی میں کہیں ہلکی اور تیز بارش ہوئی۔
شہر کے بیشتر علاقوں کو آسمان پر کالی گھٹاؤں کا ڈیرہ ہے۔
دوسری جانب محکمہ موسمیات کی جانب سے کراچی میں ہیٹ ویو کے باعث کہیں بوندا باندی، کہیں بارش اور کہیں آندھی کا امکان ظاہر کیا گیا تھا۔
محکمہ موسمیات کے مطابق ہیٹ ویو کے باعث مقامی سطح پر ہونے والی ڈیولپمنٹ کے باعث بادل بن رہے ہیں۔
ڈائریکٹر محکمہ موسمیات کا کہنا تھا کہ 25 اور 26 ستمبر کو کراچی میں ہلکی بارش کا بھی امکان ہے۔