گلگت بلتستان کے ضلع اسکردو میں مسافر وین کھائی میں جا گری، حادثے کے نتیجے میں 3 افراد جاں بحق اور وین کا ڈرائیور شدید زخمی ہو گیا۔
پولیس کے مطابق شدید برف باری کے باعث حادثہ پیش آیا ہے جس میں مسافر وین پھسل کر کھائی میں گر گئی اور اس حادثے میں 3 افراد جاں بحق ہو گئے۔
پولیس اور مقامی افراد نے امدادی کارروائی کرتے ہوئے کھائی سے شدید زخمی ڈرائیور اور ایک لاش کو نکال کر اسپتال منتقل کر دیا ہے۔
یہ بھی پڑھیئے: آزاد کشمیر میں وین کھائی میں گر گئی، 5 افراد جاں بحق
یہ بھی پڑھیئے: چلاس، وین کھائی میں جا گری، 5افراد جاں بحق
اسپتال میں زخمی کو طبی امداد دی جا رہی ہے، جبکہ کھائی میں گری وین سے مزید 2 لاشیں نکالنے کے لیے امدادی کارروائی جاری ہے۔