کراچی (اسٹاف رپورٹر) سندھ پولیس نےگزشتہ ایک ہفتہ کے دوران جرائم کیخلاف کی جانیوالی چھاپہ مار کاروائیوں، پولیس مقابلوں، علاقہ گشت ،پکٹنگ جیسے اقدامات کی بدولت 1354مفرور، 490اشتہاریوں و دیگر658 ملزمان سمیت مجموعی طور پر 2502ملزمان کو گرفتارکر لیا گیا، کراچی پولیس نے جرائم کیخلاف کی جانیوالی چھاپہ مار کارروائیوں کے دوران 344مفرور، 28اشتہاری و دیگر264ملزمان سمیت مجموعی طور پر636ملزمان کورنگے ہاتھوں گرفتارکیا جن کے قبضے سے اسلحہ برآمد ہوا، حیدر آباد پولیس نے چھاپہ مار کاروائیاں کر کے271مفرور، 86 اشتہاری و دیگر257ملزمان سمیت مجموعی طور پر614ملزمان گرفتار کرکے اسلحہ و ایمونیشن برآمد کیا، سکھرّ پولیس نے 311مفرور، 150اشتہاری و دیگر 84 ملزمان سمیت مجموعی طور پر545ملزمان کو گرفتار کیا، لاڑکانہ پولیس نے 199 مفرور، 194 اشتہاری و دیگر21 ملزمان سمیت مجموعی طورپر414ملزمان کر گرفتار کرکے اسلحہ و ایمونیشن برآمد کیا، شہید بینظیرآباد پولیس نے چھاپہ مار کاروائیوں کے دوران 191مفرور،31اشتہاری و دیگر13 ملزمان سمیت 235 ملزمان گرفتار کئے، میرپور خاص پولیس نے جرائم کیخلاف کارروائیوں کے دوران 38 مفرور و دیگر20 ملزمان سمیت58 ملزمان گرفتار کیا۔