پاکستان میں کبڈی ورلڈ کپ منعقد ہونے کے حوالےسے وزیرِکھیل پنجاب رائے تیمور بھٹی کا کہنا ہے کہ قانون نافذ کرنے والے اداروں نے کبڈی ورلڈکپ کی سیکورٹی کیلئے بہترین انتظامات کیے ہیں۔
پنجاب اسٹیڈیم میں میڈیا سے گفتگو کرتے ہوئے انہوں نے کہا کہ بھارت کو پتہ چل گیا کہ پاکستان ایک پُرامن ملک ہے۔ بھارتی میڈیا اپنی کبڈی ٹیم کے حوالے سے پروپیگنڈا کر رہا ہے جسے نظرانداز کرنا چاہیے۔
واضح رہے ایونٹ کے تیسرے روز آسٹریلیا نے آزربائیجان، جرمنی نے انگلینڈ اور بھارت نے سیرالیون کو شکست دی جبکہ آج تین میچز فیصل آباد میں کھیلے جائیں گے۔