پنجاب کی وزیر صحت ڈاکٹر یاسمین راشد نے کہا ہے کہ ہیلتھ نیوٹریشن پروگرام کے تحت اسکول کے بچوں کی رجسٹریشن کرکے ان کی ہیلتھ گروتھ بہتربنائی جائےگی۔ ا س سلسلے میں پرائیویٹ شعبے کا تعاون انتہائی اہم اورقابل تحسین ہے۔
لاہور کے نجی ہوٹل میں مکھن بنانے والی کمپنی کی جانب سے ’بڑھیں گے ہم، بڑھے گا پاکستان پروگرام کی لانچنگ تقریب ہوئی۔
اس موقع پر خطاب کرتے ہوئے صوبائی وزیر صحت ڈاکٹر یاسمین راشد نے کہا کہ ہیلتھ نیوٹریشن پروگرام کے تحت 50ہزار اسکولوں کے بچوں کو رجسٹرڈ کیا جائےگا۔
اس موقع پرمکھن بنانے والی کمپنیکی چیف ایگزیکٹو آفیسر فریحہ سبحانی کا کہنا تھاکہ ہمار ا مستقبل ہمارے بچے ہیں، اگر وہ صحت مند رہیں گے تو پاکستان کا مستقبل بھی شاندار ہوگا۔