کورونا وائرس کے سبب یورپین پارلیمنٹ کے صدر ڈیوڈ ساسولی نے اپنے آپ کو 14 دن کیلئے گھر تک محدود کرلیا ہے۔
اس حوالے سے آج انہوں نے اپنے سوشل میڈیا اکاؤنٹ پر ایک ویڈیو پیغام جاری کیاہے۔
اطالوی نژاد ڈیوڈ ساسولی نے اپنے پیغام میں کہا کہ کیونکہ اٹلی کی حکومت نے اپنے شہریوں کے ملنے پر پابندی عائد کی ہے۔ اور وہ بھی اٹلی سے ہوکر آئے ہیں۔ لہٰذا ضروری ہے کہ وہ بھی ان ہدایات پر عمل کریں۔
دوسری جانب یہ بھی ضروری ہے کہ جمہوریت اور جمہوری ادارے اپنا کام انجام دیتے رہیں۔ اس لیے وہ آئندہ 14 دن تک پارلیمنٹ کا تمام کام اپنے گھر سے ہی انجام دیں گے۔