برطانوی بزنس سیکریٹری الوک شرما کا کہنا ہے کہ حکومت کاروباری لوگوں اور اداروں کی مدد کے لیے دن رات کام کررہی ہے۔
لندن میں بزنس سیکرٹری الوک شرما اور اسٹیون پووس نے ڈاؤننگ اسٹریٹ میں نیوز کانفرنس کی۔
بزنس سیکرٹری نے کہا کہ ورکرز 2 برس تک چھٹیاں موخر کرسکتے ہیں، اس طرح ان کی چھٹیاں ضائع نہیں ہوں گی۔
انہوں نے کہا کہ لوکل اتھارٹیز کو چھوٹے اور درمیانے بزنسز کیلئے گرانٹ ملنا شروع ہوگئی ہے۔
الوک شرما نے کہا کہ حکومت دیوالیہ قرار دینے کے نظام میں تبدیلی لائے گی تاکہ ادارے بزنس جاری رکھ سکیں۔
انہوں نے کہا کہ ہینڈ سینیٹائزر مارکیٹ میں جلد لانے کیلئے حکومت سرخ فیتے میں کمی لائے گی۔
الوک شرما نے کہا کہ بورس جانسن میں مرض کی معمولی علامات ہیں وہ حکومت کی قیادت کررہے ہیں۔
انہوں نے کہا کہ اگر 20 ہزار سے کم لوگ ہلاک ہوئے تو ہم سمجھیں گے ہماری محنت ضائع نہیں گئی۔