قومی کرکٹ ٹیم کے سابق کپتان محمد یوسف نے کورونا وائرس کے پیش نظر گھر میں خود کو مصروف رکھنے کے لیے کچھ مشورے دے دیے۔
سابق کپتان محمد یوسف نے کہا کہ عالمی وبا کا مقابلہ کرنے کے لیے خود کو گھروں میں محدود رکھنا بہت ضروری ہے۔
محمد یوسف نے کہا کہ گھر میں خود کو قیدی نہ سمجھیں۔
اُنہوں نے کہا کہ گھروں میں رہ کر عبادت کریں اور اپنی فٹنس پر توجہ دیں۔
سابق کپتان محمد یوسف نے گھر میں مصروف رہنے کے دیگر مشوروں کے ساتھ ساتھ اپنے مداحوں کو فٹنس کے لیے کچھ ٹپس بھی دیں۔