متحدہ قومی موومنٹ کے رہنما ڈاکٹر خالد مقبول صدیقی نے کہا ہے کہ عوام کو ریلیف دینے کے بجائے وفاق اور سندھ حکومت رسہ کشی میں مصروف ہیں۔
انہوں نے کہا کہ وفاقی اور صوبائی حکومتیں کورونا سے نمٹنے کیلئے مل کر کام کریں۔
خالد مقبول صدیقی نے کراچی کے علاقے رنچھوڑ لائن کا دورہ کیا اور عوام سے خطاب کیا۔
اپنے خطاب میں ایم کیو ایم رہنما نے کہا کہ سندھ حکومت کے کورونا ریلیف آرڈیننس سے تعصب جھلکتا ہے، سندھ حکومت ریلیف آرڈیننس کی آڑ میں انتخابی مہم چلانے سے گریز کرے۔
انہوں نے کہا کہ تمام طبقات سے تعلق رکھنے والوں کی مساوی امداد کی جائے، حکومت مزدوروں سے لے کر تاجروں سمیت سب کے لیے موثر حکمت عملی بنائے۔
خالد مقبول نے مزید کہا کہ کاروبار کھولنے اور تاجروں کو ریلیف دینے کیلئے فوری اقدامات کئے جائیں۔