دنیا بھر میں کورونا وائرس کی وبا کے نتیجے میں کئی ماہ کی بندش کے بعد کاروبار زندگی کسی حد تک بحال ہونے لگا ہے مگر ریسٹورنٹس میں اب ایسے انتظامات کیے جارہے ہیں جو سماجی دوری کو برقرار رکھنے میں مدد دیں۔
دنیا کے مختلف ممالک میں ایسے منفرد آئیڈیاز سامنے آئے ہیں جن کے ذریعے ریسٹورنٹس صارفین کے لیے خطرہ کم کرنے کی کوشش کرنے کے ساتھ ساتھ اپنے کاروبار کو بحال کررہے ہیں۔
ترکی کے شہر استنبول کے ایک ریسٹورنٹ میں سماجی فاصلے کو یقینی بنانے کے لیے ڈمیز کو بہترین ملبوسات پہنا کر گاہک کے ساتھ والی ٹیبل پر بٹھا دیا گیا ہے تاکہ کھانا کھانے والوں کے درمیان سماجی فاصلہ برقرار رہے اور ساتھ ہی ریسٹورنٹ بھی گاہکوں سے بھرا ہوا دکھائی دے۔
شہریوں کی جانب سے ریسٹورنٹ کے اس اقدام کو بے حد سراہا گیا ہے۔