پاکستان کے سب سے بڑے میڈیا گروپ جنگ اور جیو کے ایڈیٹر انچیف میر شکیل الرحمٰن کی گرفتاری کے خلاف لاہور میں احتجاج کا سلسلہ جاری ہے، جس میں شریک مظاہرین کا کہنا تھا کہ میر شکیل الرحمٰن کو سچ بولنے کی سزا دی جارہی ہے۔
لاہور کی ڈیوس روڈ پر جاری احتجاجی کیمپ 116 دن سے جاری ہے۔
کیمپ میں پیپلز لائرز فورم پنجاب کے رہنماؤں نے بھی اظہار یکجہتی کے لیے کیمپ میں شرکت کی۔
ان کا کہنا تھا کہ میر شکیل الرحمٰن کو سچ بولنے کی سزا دی جا رہی ہے، ان کی گرفتاری سراسر غیر قانونی ہے۔
جنگ، جیو اور دی نیوز کے کارکنان اور سینئر صحافیوں نے بھی میرِ صحافت میر شکیل الرحمٰن کی رہائی کامطالبہ کیا۔
صحافی برادری کا کہنا تھا کہ میر شکیل الرحمٰن کی رہائی تک احتجاج کا سلسلہ اسی طرح جاری رہے گا۔