کراچی کے علاقے صدر میں فائرنگ سے زخمی ہونے والے شخص کی سی سی ٹی وی فوٹیج جیونیوز نے حاصل کر لی۔
پولیس کے مطابق صدر الیکٹرونکس مارکیٹ میں موٹرسائیکل سوار 2 ملزمان نے فائرنگ کر کے گاڑی میں موجود ایک شخص کو زخمی کر دیا تھا۔
فائرنگ کے واقعے کی سی سی ٹی وی فوٹیج بھی منظر عام پر آگئی، فوٹیج میں موٹرسائیکل سوار ملزمان کو فائرنگ کر کے فرار ہوتے دیکھا جاسکتا ہے۔
پولیس کا کہنا ہے کہ واقعہ ابتدائی طور پر ذاتی دشمنی کا نتیجہ لگتا ہے، تاہم اس حوالے سے تفتیش جاری ہے۔