فرانس سے چھوٹی کشتیوں کے ذریعے غیرقانونی تارکین وطن کی برطانیہ آمد کا سلسلہ جاری ہے۔
میڈیا رپورٹس کے مطابق پارلیمنٹ کی ہوم افیئرز کمیٹی نے معاملے کا جائزہ لینے کے لیے انکوائری شروع کردی ہے، جولائی میں کشتیوں کے ذریعے ایک ہزار سے زائد افراد برطانیہ پہنچے۔
برطانوی میڈیا رپورٹس کا کہنا ہے کہ صرف گزشتہ روز برطانیہ آنے کی کوشش کرنے والے 235 افراد کو گرفتار کیا گیا ہے۔
برطانیہ کی لیبر پارٹی کے مطابق حکومت اس بحران سے نمٹنے میں ناکام نظر آتی ہے۔