پاکستانی انٹیلی جنس ایجنسیز نے بھارتی خفیہ ایجنسی کے بڑے سائبر حملے کا سراغ لگا لیا ہے۔
پاک فوج کے شعبہ تعلقات عامہ آئی ایس پی آر کی جانب سے جاری بیان کے مطابق بھارتی خفیہ ایجنسی سائبر حملوں میں ذاتی موبائل کی ہیکنک کر رہی تھی۔
آئی ایس پی آر کے مطابق بھارتی خفیہ ایجنسی حکومتی، فوجی افسران کے موبائل اور ٹیکنیکل گیجٹس کی ہیکنک کر رہی تھی۔
ترجمان پاک فوج کے مطابق دشمن انٹیلی جنس ایجنسی کے اہداف کی تحقیقات کی جارہی ہیں، جبکہ پاک آرمی نے ایسی سرگرمیوں کو ناکام بنانے کے لیے مزید اقدامات اُٹھائے ہیں۔
آئی ایس پی آر کے مطابق ان اقدامات میں سائبر سیکیورٹی ایس او پیز کی خلاف ورزی کر نے والوں کیخلاف کارروائی بھی شامل ہے۔