ترکی میں دو معصوم بچے بے قابو کار کے خوفناک حادثے میں معجزانہ طور پر بچ گئے، ڈرائیور کے قابو سے باہر کار بچوں کے بالکل قریب سے گزرتی ہوئی دکان میں جا گھسی۔
خبر ایجنسی کے مطابق حادثہ ترکی کے شہر غازیان تیپ میں پیش آیا، جہاں خریدار اپنے بچوں سمیت دکان کے آگے کھڑے تھے کہ ایک بے قابو کار تیزی سے دوڑتی دکان کے اندر جا گُھسی۔
اس موقع پر وہاں موجود بچہ اور قریب کھڑی بچی حادثے میں معجزانہ طور پر محفوظ رہے، حادثے میں 3 افراد زخمی ہوئے۔
خبر ایجنسی کے مطابق زخمیوں کو اسپتال منتقل کردیا گیا ہے جہاں ان کی حالت خطرے سےباہر بتائی جارہی ہے۔