سابق وفاقی وزیر جہانگیر ترین اور ان کی فیملی کے خلاف منی لانڈرنگ کیس کی تحقیقات میں جہانگیر ترین کے بیٹے علی جہانگیر ایف آئی اے میں پیش نہ ہوئے۔
سابق وفاقی وزیر جہانگیرترین اوران کی فیملی پرچینی کی غیر قانونی فروخت سےاربوں کمانے کا الزام ہے، اس سلسلے میں انہیں ایف آئی اے لاہور کے روبرو پیش ہونے کی ہدایت کی گئی تھی لیکن ترین فیملی لندن میں مقیم ہے جسکی وجہ سے وہ ایف آئی اے میں پیش نہیں ہوئے۔
جہانگیر ترین کی جانب سے ان کے وکلاء ایف آئی اے میں پیش ہوئے، کیس میں ایڈووکیٹ مقصود احمد ملہی کاکہنا ہے کہ وہ کل جہانگیر ترین اورعلی ترین کا جواب جمع کروائیں گے۔