آئی جی پنجاب انعام غنی نے منشیات کے خاتمے کیلئے پولیس کو اے این ایف کے ساتھ مشترکہ آپریشن کا حکم دے دیدیا، اس سلسلے میں سی سی پی او لاہور سمیت تمام آر پی اوز، سی پی اوز اور ڈی پی اوز کو مراسلہ بھجوا دیا گیا ہے۔
آئی جی پنجاب انعام غنی کی طرف سے جاری مراسلے میں ہدایت کی گئی ہے کہ منشیات فروشوں کی پشت پناہی کرنے والے افسروں اور اہلکاروں کے خلاف سخت قانونی کارروائی کی جائے اور بڑے مگر مچھوں کے ساتھ ساتھ چھوٹے اسمگلروں کے خلاف بھی ٹارگٹڈ آپریشنز یقینی بنایا جائے۔
انہوں نے منشیات کی سپلائی چین توڑنےکے علاوہ ڈرگ کوٹے کا غلط استعمال کرنے والی فیکٹریوں کے خلاف بھی سخت قانونی کارروائی کی ہدایت کی ہے۔