امیر جماعت اسلامی سراج الحق نے کہا ہے کہ ملک کو بھنگ کی نہیں زیتون کی ضرورت ہے، مالا کنڈ ڈویژن کو وادی زیتون قراردیا جائے۔
دیر میں زیتون کی پیوند کاری اور باغبانی مہم کا افتتاح کرنے کے بعد سراج الحق کا کہنا تھا کہ پہاڑی علاقوں میں جنگلی زیتون کے کروڑوں درخت قدرت کا عطیہ ہیں۔
سراج الحق نے کہا کہ زیتون کی نرسریاں اور زیتون کے تیل کے کارخانے بھی لگائے جائیں۔
امیر جماعت اسلامی نے کہا کہ زیتون کی کاشت اور برآمد سے اربوں روپے کا زرمبادلہ بچایا اور کمایا جا سکتا ہے۔