تھائی لینڈ کے وزیراعظم نے واضح طور پر کہا ہے کہ وہ اپنے عہدے سے مستعفی نہیں ہورہے اور ملک میں مظاہروں پر عائد پابندی 30 دن تک جاری رہے گی۔
تھائی لینڈ میں جمہوریت کے حامیوں نے آج بھی احتجاج کی کال دے رکھی ہے۔
تھائی وزیراعظم پرایوتھ چان اوچا نے مظاہرین کو خبردار کرتے ہوئے کہا ہے کہ اگر پابندی کی خلاف ورزی کی گئی توحکومت قانون کااستعمال کرے گی۔
گزشتہ روز بھی بنکاک میں مظاہرین نے بڑی تعداد میں جمع ہوکرحکومت کیخلاف احتجاج کیا تھا۔
تین روز قبل شاہی قافلے کے سامنے احتجاج کرنے والے دو کارکنوں نے خود کو پولیس کے حوالے کردیا ہے۔
تھائی لینڈ میں تین ماہ سے جمہوریت کے حامیوں کے مظاہرے جاری ہیں۔ مظاہرین کی جانب سے تھائی بادشاہ کے اختیارات کم کرنے اور تھائی وزیر اعظم کے استعفے کا مطالبہ کیا جارہا ہے۔