بلوچستان کے دارالخلافہ کوئٹہ کے نواحی علاقے ہزار گنجی میں دھماکا ہوا ہے جس کے نتیجے میں متعدد افراد زخمی ہو گئے جبکہ ہلاکتوں کا خدشہ ظاہر کیا جا رہا ہے۔
پولیس کے مطابق کوئٹہ کے شالکوٹ تھانے کی حدود میں ہزار گنجی کے علاقے میں دھماکا ہوا ہے، دھماکا خیز مواد موٹر سائیکل میں نصب تھا۔
پولیس ذرائع کا کہنا ہے کہ دھماکے کے نتیجے میں موٹر سائیکل اور کار میں آگ لگ گئی، واقعے میں ہلاکتوں کا خدشہ ہے۔
پولیس اور سیکیورٹی فورسز نے دھماکے کے مقام کو گھیرے میں لے لیا ہے۔
دھماکے کے مقام پر ریسکیو ٹیمیں پہنچ گئی ہیں جنہوں نے زخمیوں کو اسپتال پہنچانا شروع کر دیا ہے۔