پارلیمانی سیکریٹری صحت نوشین حامد کا کہنا ہے کہ کورونا وائرس ایس او پیز کی خلاف ورزی پر سخت ایکشن لیا جائے گا، جرمانے ہوں گے۔
جیو نیوز کے پروگرام جیو پاکستان میں گفتگو کرتے ہوئے پارلیمانی سیکریٹری صحت نوشین حامد نے کہا کہ کورونا وائرس ایس او پیز پر عمل نہیں کیا گیا تو کیسز بڑھیں گے۔
نوشین حامد کا کہنا تھا کہ ماسک کے بغیر کوئی گھر سے باہر نہیں نکل سکے گا، عوام کو اپنی ذمہ داری سمجھنا ہوگی، لوگوں کے تعاون کے بغیر اس وباء سے نمٹنا مشکل ہے۔
انہوں نے کہا کہ لوگوں نے ایس او پیز پر عمل نہیں کیا تو اسمارٹ لاک ڈاؤن کی طرف جانا ہوگا، وباء پر قابو پانے کے حوالے سے قانون سازی جاری ہے۔