خیبر پختون خوا کے مالاکنڈ ڈویژن کے ضلع لوئر دیر کے گورنمنٹ گرلز کالج ثمر باغ کی خواتین کو دھمکی آمیز خط کے ذریعے کالج آنے سے منع کیا گیا ہے۔
ایک ہفتہ قبل گرلز کالج پر نامعلوم افراد نے دھمکی آمیزخط چسپاں کر دیا تھا، خط میں طالبات کو کالج نہ آنے کے لیے کہا گیا تھا۔
اس حوالے سے خیبر پختون خوا کے اطلاعات کے معاونِ خصوصی کامران بنگش نے ’جیو نیوز‘ سے بات چیت کرتے ہوئے بتایا کہ پولیس اور انتظامیہ کو اس پوسٹر کی تحقیقات کی ہدایات کر دی ہیں۔
انہوں نے مزید بتایا کہ کالج کی سیکیورٹی کے فول پروف انتظامات کو یقینی بنایا جائے گا۔
خیبر پختون خوا کے اطلاعات کے معاونِ خصوصی کامران کا یہ بھی کہنا ہے کہ تعلیمی اداروں میں پہلے ہی سے سیکیورٹی اقدامات کو یقینی بنایا گیا ہے۔