لاہور میں سیف سٹیز اتھارٹی نے ای چالان نادہندگان کو ایس ایم ایس کے ذریعے بھیجنے کا آغاز کر دیا ہے۔
سیف سٹیزاتھارٹی کے ترجمان کے مطابق ایکسائز ریکارڈ میں موجود موبائل نمبر پر گاڑی کے مالک کو ای چالان کا میسج بھیجا جائے گا۔
سیف سٹیز اتھارٹی کے ترجمان نے مزید بتایا کہ ابتدائی مرحلے میں 5 یا 5 سے زائد ای چالان نادہندہ گاڑی مالکان کو میسیج کے ذریعے بھیجے جا رہے ہیں۔
ترجمان سیف سٹیز اتھارٹی کا یہ بھی کہنا ہے کہ اگلے مرحلے میں ٹریفک قوانین کی خلاف ورزی پر ایک ای چالان کا ایس ایم ایس بھی موصول ہو گا۔