الیکشن کمیشن نے آل پاکستان مسلم لیگ کے پارٹی عہدوں میں تضاد کے معاملے پر آل پاکستان مسلم لیگ سے انتخابی نشان واپس لے لیا۔
اسلام آباد میں الیکشن کمیشن کے تین رکنی بینچ نے محفوظ فیصلہ سنا دیا، الیکشن ایکٹ آرٹیکل (4) 215 کے تحت آل پاکستان مسلم لیگ انتخابی نشان کے لیے نا اہل قرار دے دی گئی ہے۔
فیصلے میں کہا گیا ہے کہ آل پاکستان مسلم لیگ الیکشن قوانین کے مطابق انٹرا پارٹی انتخابات کرانےمیں ناکام رہی ہے۔
مزید کہا گیا ہے کہ آل پاکستان مسلم لیگ نےالیکشن کمیشن میں پارٹی عہدیداروں کی فہرست نہیں دی، اس کے علاوہ انٹرا پارٹی الیکشن پرپارٹی سربراہ کا دستخط شدہ سرٹیفکیٹ الیکشن کمیشن کو نہیں دیا گیا۔