پاکستان کرکٹ ٹیم کے سابق کپتان شعیب ملک کی اہلیہ ثانیہ مرزا نے گزشتہ روز اپنی 34ویں سالگرہ منائی۔ اس موقع پر انہوں نے اپنی والدہ کو بھی مبارکباد دی۔
ثانیہ مرزا نے اپنی سالگرہ کے دن والدہ کو بھی سالگرہ کی مبارکباد اس لئے دی کیونکہ ان کی اور والدہ کا جنم دن ایک ہی ہے۔
اپنے انسٹاگرام اکاؤنٹ پر ثانیہ مرزا نے اپنی والدہ سے محبت کا اظہار کرتے ہوئے پیغام میں لکھا کہ میں خوش قسمت ہوں کہ آپکے جنم دن پر پیدا ہوئی۔
بھارتی ٹینس اسٹار ثانیہ مرزا نے اپنی والدہ کے ہمراہ اپنی بچپن کی تصویر بھی شیئر کی جسے لاکھوں لوگوں نے پسند کیا۔
ثانیہ مرزا کے اکاؤنٹ پر پاکستان کرکٹ ٹیم کے فاسٹ بالر وہاب ریاض نے بھی سالگرہ کی مبارکباد دی اور نیک تمناؤں کا اظہار کیا جسے سیکڑوں لوگوں نے پسند کیا۔
دوسری جانب بھارتی اداکارہ انوشکا شرما اور نیہا دھوپیا نے بھی ثانیہ مرزا کو سالگرہ کی مبارکباد دی ہے۔