عالمی ادارہ صحت کا کہنا ہے کہ کورونا ویکسینیشن کے آغاز کے باوجود کورونا وائرس کی نئی لہر کا مقابلہ صرف عوامی صحت سے متعلق اقدامات اور احتیاط سے ہی کیا جاسکتا ہے۔
ترجمان عالمی ادارہ صحت ڈاکٹر مارگریٹ ہیرس کا کہنا ہے کہ کورونا ویکسینیشن کا آغاز اچھی علامت ہے، ویکسینیشن وائرس کیخلاف مددگار بھی ثابت ہوتی ہیں۔
تاہم اُن کا کہنا ہے کہ کورونا ویکسین کا وائرس کے خلاف مدافعت فراہم کرنا اب بھی بہت دور ہے۔
انہوں نے اس بات پر زور دیا کہ کوررونا کی حالیہ لہر سے صرف عوامی صحت سے متعلق اقدامات اور احتیاط کے ذریعے ہی بچا جاسکتا ہے۔