بھارتی ہائی کمیشن کے سینئیر اہلکار کو دفتر خارجہ طلب کرکے کنٹرول لائن پر بلااشتعال بھارتی فائرنگ اور گولہ باری پر سخت احتجاج ریکارڈ کرایا گیا ہے۔
دفتر خارجہ سے جاری بیان کے مطابق اسلام آباد میں بھارتی ہائی کمیشن کے اہلکار کو طلب کر کے کنٹرول لائن پر بھارتی فائرنگ اور گولہ باری پر شدید احتجاج ریکارڈ کرایا گیا ہے۔
بھارتی فوج نے 9 دسمبر کو ایل او سی کے تتہ پانی سیکٹر پر بلا اشتعال فائرنگ اور گولہ باری کی، جس سے ایک 55 سالہ خاتون زخمی ہوئی۔