چیئرمین پاک سر زمین پارٹی سید مصطفیٰ کمال نے کہا ہے کہ عوام کیلئے دو وقت کی روٹی کا حصول ناممکن بن گیا ہے۔ محسوس ہوتا ہے کہ حکمران غربت مٹانے نہیں بلکہ غریب مٹانے آئے ہیں۔
مصطفیٰ کمال نے کراچی کے علاقے لیاقت آباد سے تعلق رکھنے والی تاجر برادری کے وفد سے بات کرتے ہوئے کہا کہ نااہل حکمران ہر شعبے میں ناکامی کے سبب معیشت اور ملک کے ساتھ بھیانک کھیل کھیل رہے ہیں جس کا ملک کو ناقابلِ تلافی نقصان پہنچ رہا ہے۔
مصطفیٰ کمال نے حالیہ پیٹرولیم مصنوعات کی قیمتوں میں اضافے کو مسترد کرتے ہوئے اس حکومتی قدم کو عوام دشمن قدم بھی قرار دیا۔