وزیراعلیٰ پنجاب کی معاون خصوصی ڈاکٹر فردوس عاشق اعوان کہتی ہیں کہدنیا پاکستانی معیشت کی معترف ہے جبکہفضل الرحمٰن اور اچکزئی افغانستان کے سحر سے نکل نہیں پا رہے۔
سماجی رابطے کی ویب سائٹ ٹوئٹر پر جاری کیے گئے اپنے بیان میں ڈاکٹر فردوس عاشق اعوان نے کہا کہ ٹوٹی پھوٹی پی ڈی ایم ہوسِ اقتدار میں اندھی ہے۔
فردوس عاشق اعوان نے کہا کہفضل الرحمٰن کی قیادت میں جھوٹ ہی پی ڈی ایم کا آخری سہارا ہے۔
اُنہوں نے کہا کہ اسمبلیوں سے استعفے کی باتیں کرنے والوں نے استعفے تو نہیں دیے البتہ اُن کی عقل استعفا دے چکی ہے۔
فردوس عاشق نے مزید کہا کہقومی سلامتی کے اداروں، دوست ممالک اور سی پیک سے متعلق منفی پروپیگنڈا شکست خوردہ پی ڈی ایم کی مسلسل ناکامیوں اور عوام کی جانب سے ان کو ملے زخموں کا نتیجہ ہے۔