براڈ شیٹ کے حوالے سے حقائق سامنے لانے والی حکومتی کمیٹی کے کنوینر وفاقی وزیر اطلاعات شبلی فراز کا کہنا ہے کہ آج شام یا بدھ تک حقائق قوم کے سامنے رکھیں گے۔
جیو نیوز کے پروگرام آج شاہ زیب خانزادہ کے ساتھ میں میزبان شاہ زیب خانزادہ نے وفاقی وزیر شبلی فراز سے سوال کیا کہ حکومت تو ملک سے لوٹی ہوئی رقم واپس لانا چاہ رہی تھی، وہ رقم تو پاکستان آئی نہیں، مگر الٹا براڈ شیٹ کو ساٹھ ملین کی رقم دینا پڑ گئی؟
اس پر شبلی فراز نے کہا کہ پاکستان کو یہ رقم پچھلی حکومتوں کے دوران دیے جانے والے این آر اوز کی وجہ سے دینا پڑی۔
دوسری جانب مسلم لیگ ن کے رہنما شاہد خاقان عباسی نے کہا کہ جس این آر او کا حکومت ذکر کرتی ہے اسے تو سپریم کورٹ نے کالعدم قرار دے دیا تھا۔