سماجی رابطوں کی ویب سائٹ کی جانب سے آسٹریلوی نیوز سائٹس کے فیس بک پیجز بلاک کرنے کا معاملے پر آسٹریلوی وزیر اعظم نے دو ٹوک کہہ دیا کہ وہ فیس بک کے اقدام سے خوفزدہ نہیں ہوں گے۔
یہ اقدام آسٹریلیا کیلئے غیر دوستانہ اور مایوس کن ہے۔ انہوں نے کہا کہ وہ معاملے پر دیگر ملکوں سے بھی رابطے میں ہیں۔
وزیر اعظم اسکاٹ موریسن نے سماجی رابطوں کی ویب سائٹ کے اقدام کو متکبرانہ اور مایوس کن قرار دیا ہے۔
انہوں نے کہا کہ ان کی حکومت فیس بک کے اقدام سے خوفزدہ نہیں ہوگی، سماجی رابطوں کی ویب سائٹ نے آج آسٹریلوی نیوز سائٹس کے فیس بک پیجز بلاک کردیئے تھے۔
فیس بک کا اقدام آسٹریلیا کے ایک مجوزہ قانون کے رد عمل میں سامنے آیا۔ قانون کےتحت آسٹریلوی میڈیا ویب سائٹس کی خبریں اور مواد شیئر کرنے پر فیس بک کو حاصل ہونے والی آمدنی سے ان میڈیا اداروں کو بھی ادائیگی کرنا ہوگی۔